Tvorog
Tvorog qilish uchun qatiq yoki sutni achitib o’tirish shart emas va achitmagan maqul, chunki bu tvorogimizga qo’pol maza beradi. Agar uni barra(svejiy) sut va qatiqdan qilsangiz, uni tuz yoki shakar qo’shmasdan ham mazali ekanligini ko’rishingiz mumkin. Achimagan masalliqlardan bo’lgan tvorogingiz sovutgichda 1haftagacha ta’mi o’zgarmasdan turaveradi.
Masalliqlar(300gr uchun):
-1litr sut
-0.5 litr qatiq(sutning yarmi)
Tayyorlash:
Sutni idishda solib, balandroq olovga qo’yamiz. Birozdan so’ng sutdan ozgina olib ichib ko’rganimizda iliqdan issiqroq bo’lgan bo’lsa, qatiqni solib olovni pastlatamiz(osh dimlaydigandan yuqori) va qoshiqda ozgina aylantiramiz. Qatiq suvi ajralaboshlaganda yana qoshiqda aralashtiramiz. Qatiq suvi ajragach, tvorogimiz idish
o’rtasiga yig’ila boshlaydi. Biroz kutamiz, tvorogimiz yumshoq holatdan sal yirikroq va qattiqroq xolatga o’tganda olovni o’chirib, setkada suvini oqizib yuboramiz.
Shu bilan tvorogimiz tayyor.
Yoqimli ishtaha!
Maslahatlar:
1. Tvorog yirikroq chiqsin desangiz, sutni isitayotganda bir chimdim tuz solib yuboring.
2. Tvorogni shakarli tanovul qilmoqchi bo’lsangiz, issiqligida shakar solib aralashtirib qo’ysangiz, sovugan vaqtida shakari bilinmaydi. | 
