Kartoshka pyureli garnir:

4 dona kartoshka mayday to’g’ralib, tuzsiz suvda qaynatib olinadi. Suvdan ajratib olinib, 1 choy-q tuz, 1chimdim zira, 4 osh-q o’simlik yog’i(50gr yoki saryog’) solib yaxshilab eziladi. Pyure biroz suvli bo’lsin desangiz, kartoshka qaynatilgan suvdan 1/4 stakan qo’yib, yaxshilab aralashtiriladi. Issiqligida likopchalarga solinadi.

Kartoshka fri

2 dona kartoshka yirik somoncha shaklida to’g’ralib, eng baland olovda qizitilgan yoqqa (1.5 cho’mich) solinadi. To kartoshkaning ostki qismi qizarguncha aralashtirilmaydi. Kartoshka biroz qizargach, tepa qismi pastga qaratilib aralashtiriladi va olov biroz pasaytiriladi. Kapkir bilan biror kartoshkani bosib ko’rilganda, oson ajralsa, demak fri tayyor. Yog’dan tezda suzib olib, likopchalarga solinadi.

Kartoshka qovurma:

2 dona kartoshka kubik shaklida(2x2) to’g’raladi.

Eng baland olovda qizigan yoqqa(1cho’mich) solinadi. I

kkala tomoni shu olovda qizartirib olinadi.

 Kartoshkalar qizargach, 1chimdim zira va 1osh-q suv solinib, olov dimlanadigan darajada pastlatiladi va 10-15daqiqaga dimlab qo’yiladi. Pishgach, yog’dan tezda suzib olinadi.

Guruch qaynatmasi:

1 piyola guruch qaynab tugan suvga solinadi. Suv guruchni 2sm ko’mishi kerak.  Ketidan 1 choy-q tuz, 1 osh-q o’simlik yog’I solinib aralashtiriladi. Suv qaynab chiqqach yana bir marta aralashtiriladi va past olovda usti ochiq xolda dimlanadi(usti yopiq idishda gurush bo’shroq pishadi).

Biror chuqur idishga(piyola) gurushni suzib, yaxshilab qoshiqda sichlaymiz va yuza qismini bir tekis qilamiz.

Likopchani shu idish ustiga yopamiz.

Likopchani pastga, piyolani yuqoriga qilamiz va piyoladan gurushni tushiramiz. Natijada guruchimiz chiroyli shaklda suziladi. Bunda har hil shaklli idishlardan foydalansa ham bo’ladi.

Guruch qovurma:

1 piyola gurushni tuzli suvda qaynatib pishirib olamiz. O’rtacha olovda turgan tovaga 1 osh-q yog’ solib, biroz qizitib, ketidan guruchni solamiz.

Guruchni biroz rang kiradigan darajada har tomonini aylantirib qizartiramiz. Qizargach, likopchalarga turli shakllarda suzib olamiz.

! Shu qovurma qizargandan so’ng, piyoz va maydalangan go’sht qovurmasini aralashtirib yuborish ham mazali ta’m beradi.

Makaron qaynatmasi

0.5 stakan makaronni qaynab turgan tuzli suvga solib, pishgunicha qaynatamiz. Pishgach, shu idish ustidan 1-2 stakan sovuq suv quyamiz. Biroz aralashtirib, makaronni suvdan suzib olamiz. Unga 1 choy-q o’simlik yog’i solib aralashtirmiz.

Makaronni sous bilan aralashtirib yuborilsa yanayam mazaliroq bo’ladi.

Garnir uchun yana grechka, perlovka, no’xat va boshqa narsalarning qaynatma va qovurmasini tayyorlasa bo’ladi.