Biskvit qolipning hajmiga qarab o’zgaradi va asosan tuxumlar soni bo’yicha hisoblanadi. 6talik(6ta tuxumli), 9talik(9ta tuxumli), 12talik(12ta tuxumli) va hokozo. Biskvit tort uchun asos hisoblanadi va uning nomi biskvitli tort deb atalishi tort hamiri biskvitdan tashkil topganidandir.Siz o’z qolipingizga moslab tuxumlar sonini tanlashingiz mumkin, 3talik,4talik,5talik va hkz
Masalliqlar(9talik qolip uchun):
-9ta tuxum (oqi va sarig’i alohida)
-1.5stakan shakar
-1.5stakan un
-1/4choy-q soda
Tayyorlash:
Tuxum oqlarini maxsus ko’pirtirgichda yoki mixerda ko’pirtirib olamiz.
Tuxum ko’pigidan biroz olib yuqoriga teskari xolatda ko’targanda umuman
oqib tushmasa, ko’pigimiz tayyor bo’lgan bo’ladi
Shakarni 1 choy-qoshiqdan sekin-sekin solib, ko’pirtirshda davom
etamiz(har shakar solish oralig’i 2-3marta aylantirishdan so’ng).
Shakarni to’g’ri solinganligi belgisi, hamma shakar solgandan so’ng
ham tuxum ko’pigi shishib turadi, suyilib ketmaydi.
Unni elakda elab solamiz va judayam ehtiyotkorlik bilan aralashtiramiz.
Oxirida tuxum sarig’ini shudoqligicha(yoki aralashgan xolda) va sodani solib,
ehtiyotkorlik bilan aralashtiramiz.
 yoki  Qolip ostiga maxsus qog’oz solib yoki margarin surib, masalliqni quyamiz va
160Cda 35-40daqiqa davomida pishirgich o'rta qismida pishiramiz.
Qoliplar ham ikki xil bolishi mumkin.
 yoki  Pishganligini bilish uchun biror uzun narsa tiqib ko'ramiz, agar shu narsa quruq chiqsa
demak biskvitimiz pishgan bo'ladi
Maslahatlar:
1.Tuxum oqi yaxshi ko’pirishi uchun:
a. idishda yog’ yuqi bo’lmasligi kerak
b. tuxum sovutgichda sovutilgan bo’lishi lozim
c. ko’pirtirish jarayoni shamol esib turgan joyda bo’lmasligi kerak
d. ko’pirtirishda harakat bir yo’nalishda(faqat o’ngga aylantirish yoki chapga) bo’lishi kerak.
2.Tuxum oqini ko’pirtirayotganingizda, ko’pirtigich tovushiga e’tibor qiling(agar u qo’lda qilinadigan ko’pirtirgich bo’lsa albatta), agar qattiq tovuq chiqayotgan bo’lsa, demak siz tuxum oqi bn idishga ham qattiq uryapsiz, bundan qo’lingiz tez og’rib qolishi mumkin, shu sababli faqat tuxumni o’zini aylantirib, idishda ovoz chiqishini kamaytirishga harakat qilsangiz yaxshi.
3.Biskvitni pishirishdan avval 50gr saryog’ni eritib solib, oddiy pirog sifatida yeyishingiz ham mumkin.
| 
