|
Kerakli masalliqlar(2 kishi uchun):
-100gr qiyma yoki to'g'ralgan go'sht(tax 2/3 piyola)
-20gr makaron
-1 bosh piyoz
-0.5 qoshiq tomat
-tuz,ziravorlar(zira, kashnich)
-0.5 donadan sabzi, baqlajon, bulg'or qalampiri(hohishga ko'ra 1dona kartoshka)
-4 osh-qoshiq o'simlik yog'i
-3 bo'lak sarimsoq
Sous uchun:
-1 bosh kichik piyoz
-1dona pomidor
-1 bo'la sarimsoq
Tayyorlanishi:
1.Piyozni mayda(1sm) qilib to'g'raymiz. Sabzi, baqlajon, bulg'or qalampirini kubik shaklida(0.5sm) to'g'rab olamiz. Sarimsoqni mayda to'g'rab olamiz.
Qizigan yoqqa avval piyozni solamiz. Olovimiz osh dimlaydigan olovdan biroz balandroq bo'lsa va piyoz jidarrang bo'lguncha qovurilsa, sekin qovurilsa ham kuymasa, taom mazali chiqadi, agar biror piyoz kuyib qolsa bu taomingizga taxir maza berishi mumkin.
Piyoz sarg'ish tusga kirgach qiymani va ( 1chimdimdan) ziravorlarni solamiz. Go'sht oqargach, to'g'ralgan masalliqlarni hammasini solamiz va 5mincha qovuramiz. Undan so'ng tomatni solib, aralashtirib, 1choy-qoshiq tuz solib, ketidan yarim piyola suv solib aralashtirib,to suvi qolmaguncha(judayam qurib ketmasligi kk) dimlab qo'yamiz.
2.Makaronni qaynatishga qo'yamiz:
Qaynayotgan suvga makaron, tabga ko'ra tuz va hohlovchilar uchun 1 chimdim zira solamiz va qaynab chiqqanda bir marta qoshiqda aralashtirib, o'rtacha olovda pishirib olamiz.
3 Sousni tayyorlaymiz:
Avval pomidorni 5minga qaynagan issiq suvga solib qo'yamiz. Pomidorimiz yumshaydi va po'stlog'idan oson ajraydi. Pomidorimiz suvda turganda 1 osh-qoshiq o'simlik yog'i solingan idishga mayda to'gralgan piyozni solamiz va sariq tusga kirguncha qovurishda davom etamiz. Pomidorni suvdan olib, po'stini olib tahslab, pichoqda mayda to'g'raymiz yoki biror chuqur idishga solib qoshiqda ezamiz, shunda suvi to'kilmaydi. Piyoz ustidan mayda to'g'ralgan sarimsoqni va pomidorni solib 5daqiqa qovuramiz va olovni o'chiramiz.
4. Dimlamamiz tayyor bo'lgach makaronni suvidan ajratib olib, dimlama ustiga uni va sousni yarmini solamiz. Aralashtirib,2mincha dimaymiz va olovini o'chiramiz.
Suzishda makaron ustiga sousni chiroyli qilib yoyib suzamiz.
Yoqimli ishtaha!
| 
